"Qışqıran mumiya" nın sirri BU İMİŞ
Misirli elm adamları təxminən 140 ildən sonra Deyr əl-Baharidəki kral türbəsində tapılan "qışqıran mumiya"nın sirrini tapıblar.
“Ölkə.Az” xəbər verir ki, tapılan qadın meyitinin üzərində aparılan kompyüter tomoqrafiyası zamanı onun damarlarının aterosklerozu səbəbindən ürək tutması keçirərək vəfat etməsi ortaya çıxıb.
Xatırladaq ki, "Qışqıran qadının mumiyası" 1881-ci ildə Lüksor şəhərində tapılıb. O, kral sülaləsinin 40-dan çox üzvünün dəfn olunduğu firon ailəsinin məzarlığında basdırılıb. Meyit qəribə vəziyyətdə olduğu üçün elm adamlarının böyük marağına səbəb olub. Mumiya tapılanda ayaqları əyilmiş, başı sağa çevrilmiş və ağzı geniş açılmış formada olub.
Mumiyanın şəxsiyyəti hələ dəqiq müəyyən edilməyib. Ancaq mütəxəssislərin fikrincə bu firon Ramses II Meret Amonun (e.ə. 1279-1213) qızıdır.
Ölkə.Az
